புணர்ச்சி வகைகள், குறுக்கங்கள்

புணர்ச்சி வகைகள், குறுக்கங்கள்

1.    குறுக்கங்கள் எத்தனை வகைப்படும்- 4.

          1.    ஐகாரக்குறுக்கம்

          2.    ஔகாரக்குறுக்கம்

          3.    மகரக்குறுக்கம்

          4.    ஆய்தக்குறுக்கம்

2.    புணர்ச்சி வகைகள் எத்தனை – 2.

          1.    இயல்பு புணர்ச்சி

          2.    விகாரப் புணர்ச்சி

3.    புணர்ச்சியின்போது மாற்றங்கள் எதுவுமின்றி இயல்பாகப் புணர்வது - இயல்பு புணர்ச்சி.

          1.    வாழை + மரம் = வாழைமரம்

          2.    செடி + கொடி = செடிகொடி

          3.    மண் + மலை = மண்மலை

4.    புணர்ச்சியின்போது ஏதேனும் மாற்றம் நிகழ்ந்தால் அது - விகாரப் புணர்ச்சி.

5.    விகாரப் புணர்ச்சி வகைகள் – 3.

          1.    தோன்றல்

          2.    திரிதல்

          3.    கெடுதல்

6.    தோன்றல் விகாரம்:

நுழைவு + தேர்வு = நுழைவுத்தேர்வு 

நுழைவு , தேர்வு ஆகிய சொற்கள் இரண்டும் இணையும்போது த் தோன்றுகின்றது.

7.    திரிதல் விகாரம்:

பல் + பசை = பற்பசை    

பல் , பசை ஆகிய சொற்கள் இரண்டும் இணையும்போது ல் - ற் ஆகத்  திரிகின்றது

8.    கெடுதல் விகாரம்:

புறம் + நானூறு = புறநானூறு 

புறம் , நானூறு ஆகிய சொற்கள் இரண்டும் இணையும்போது ம் கெடுகின்றது.